Школьный музей им Г.Мустафина

 Мұражай тарихы-бұл № 83 орта мектеп тарихы десек артық болмас.Мұражай 3 жыл шамасында мектеп директоры Снытько Юлия Васильевна мен Какеева Сағынтай Әбішевнаның басшылығымен құрылған. Мұражайды рәсімдеу, қаланың кітапханаларынан материлдарды жинақтау бойынша жоспар құрылған. Қазақ тілі мұғалімі Какеева Сағынтай Әбішевна мұражай жетекшісі болып тағайындалды, бұл кісіге үлкен жүк артылды, Ғ.Мұстафиннің туыстарымен кездесу, отбасы мұрағатынан жазушының жеке заттарын, суреттерін алу. Сонымен қатар мұражайда этнография бөлімі құрылды, онда қазақ халқының салт-дәстүрлері туралы көптеген экспозициялар жинақталған. № 83 мектептің ұжымы мұражайдың ашылып, жұмыс жасауына үлес қосты. Бұл қуанышты оқиға 1989 жылы болды.

Мұражайға жазушының күнделікті пайдаланған заттары мен домбырасы, кітаптары, сонымен қатар күнделікті тұтынған заттары : шапаны, қол сағаты, үстел сағаты, таяғы, қаламы, көзілдірігі, радио қабылдағышы , ойнаған шахматы қойылған. 

Мұражайда жазушының әке-шешесінің фотасы төрден орын алған.

Мұражайдың бұрышында Ғ.Мұстафиннің кітаптары, романдары, повестері мен әңгімелері сөреде орын алса, іргеде әр әңгімелерінің , романдары мен повестерінің иллюстративті суреттері ілінген.

 2002-2003 олқу жылының қараша айында Ғ.Мұстафиннің 100 жылдық мерейтойына орай Қалалық білім басқармасының “ Мұстафин – қазақ әдебиетінің классигі” атты пед оқылымдар өткізіліп, Тәттімбет атындағы оркестрдің қатысуымен “ Ғ.Мұстафин – туған өлке жаршысы” атты әдеби-музыкалық кеш өткізілді. Пед оқылымға қаламыздың қазақ тілі мен әдебиет пәндерінің мұғалімдері қатысты.

   2006- 2007 оқу жылының қараша айында жазушының туған күніне орай облыстық теле журналистермен “Ғ.Мұстафин жерлес жазушымыз” атты дөңгелек үстел өткізіліп , облыс мұғалімдері Ғ.Мұстафин нің шығармашылығ туралы өз ойларымен бөлісті.

         2008-2009 оқу жылында “ Ғ.Мұстафин біздің жүрегімізде” атты мұғалімдер арасында облыстық “Ғ.Мұстафин еңбектері” презентациясының екі тілде көрінісі өтті.

         2009-2010 жылдың қыркүйек айында Ғ. Мұстафин шығармаларының “Жас талапкерлер байқауы” өтті.

        Жазушының 100-жылдық мерейтойы қарсаңында туған жері Қарағанды қаласында 2002 жылы ескерткіш қойылды және сол жерге көше аты берілді.

  Мұражай қазір де өз жұмыстарын жалғастырып, жаңа материалдармен толықтырылуда. Келем деушілерге әрқашанда есік ашық.