2017 жылдың 22 желтоқсанында Қарағанды қаласы «Ғ.Мұстафин атындағы №83 ЖББОМ» КММ «Латын әліпбиіне көшу – табысты болашақ кепілі» тақырыбында коучинг өтті. Ісшараның мақсаты –ел болашағы үшін қабылданғалы отырған маңызды шешімге қолдау көрсету және бұл бастаманың жүрегі «елім» деп соққан әрбір қазақстандықтың абыройлы міндеті екеніне көз жеткізуіне ықпал ету.Ісшараға мектеп мұғалімдері мен оқушылар қатысты.  Коучинг  жұмысы қатысушылар үшін көтеріңкі көңіл-күй туғызу мақсатында ұйымдастырылған «Менен сізге» психологиялық әдісімен жылы лебіз білдіруден басталды.                                                                                                  Кіріспе бөлімде Ғ.Мұстафин атындағы №83 ЖББОМ қазақ тілі мен әдебиеті пәндерінің мұғалімі Кокина Акзер Зарыкбековна латын әліпбиіне көшу мәселесінің кейбір тұстарына тоқталды. Осы бастама төңірегінде мектебімізде атқарылып жатқан ісшаралардың түрлері мен мазмұны бойынша қатысушыларға ақпарат берді.           

   Ағылшын тілі пәнінің мұғалімі Сагинтаев Талгат Избасарович қазақ және латын әліпбилеріне салыстырмалы талдау жасап, қиыншылықтармен мен тиімді тұстарымен таныстырып өтті.                                       

   Мектептің кітапхана меңгерушісі Е.В.Игнатьева өз сөзінде латын әліпбиінің тарихына көз жүгірте отырып, Не? Қайда? Қашан? Қалай? сұрақтарына жауап іздеді.                   

       Қорытындысында қатысушылар латын әліпбиіне көшу мәселесіне қатысты өз ойларын білдіре отырып, мемлекеттік тілдің мәртебесін көтеру, болашағына қолдау көрсетумақсатында осындай шараларды ұйымдастырудың қаншалықты маңызды екендігін айта келіп, алған әсерлерімен бөлісті, тілектерін білдіріп, ұсыныстарын айтты. Алдағы уақытта да мұндай жұмыс түрлері мектепішілік және қалалық, облыстық деңгейде жүзеге асырылады деген ойдамыз. Ең бастысы латын әліпбиінің келешекте ғұмыры ұзақ болатыны жайлы қоғамдық пікірдің қалыптасуы қуантарлық жайт.