Адал және сатылмайтын еңбек бейнесі

(эссе)

Сыбайлас жемқорлық – бұл ғаламдық мәселе,  одан әлемнің бірде- бір мемлекеті,

бірде - бір саяси жүйе,  бірде – бір саяси тәртіп қорғалған емес.

Сондықтан бұл індетке бірлесе қарсы тұруымыз керек.

Н. Ә. Назарбаев

Жақсы бала еңбекшіл

Ер азамат болады.

Қиындықты жеңіп кіл

Құшағы гүлге толады.

Еңбекшіл біз осындай

Болайықшы,досым – ай.

Сыбайлас жемқорлықпен күресу Қазақстанның бүгінгі күнгі күрделі мәселесі. Үлкен әлеуметтік қасірет болып табылатын осы саяси даму бір – біріне ұқсамайтын әлемдегі барлық елдердің қай – қайсысын да қатты алаңдататыны анық.

Сыбайлас жемқорлық деген не?

Жемқорлық – латынша коррупция сатып алу. Мемлекеттік басқару құрылымындағы лауазымды қызметкерлердің өздеріне тапсырылған қызмет мүмкіндіктерінің жеке бастарының пайдасымен мүддесі үшін пайдалану мақсатында жасаған қоғамға қауіпті қылмыстық іс-әрекет.Түсіндірме сөздігі бойынша сыбайлас жемқорлықты пара беріп сатып алу, лауазымды адамдардың, саяси қызметкерлердің сатқындығы ретінде сипаттайды.Барлық мемлекеттік органдармен лауазымды адамдар өз құзіреті шегінде сыбайлас жемқорлыққа қарсы күрес жүргізуге міндетті.Сыбайлас жемқорлықтың жиі бой көрсететін, ең қауіпті түрі парақорлық, бірінші кезекте пара берудің себептерін, пара алудың жағдайларын түп-тамырын жою үшін қоғам болып белсенділік танытуымыз қажет. Яғни пара беруде, пара алу да пайдалы болмайтындай, үлкен қылмыс ретінде саналатындай жағдай, қоғамдық сана қалыптасуы қажет.

Парақорлықпен елімізде көбіне-көп қолында белгісі бар, шешім шығаруға, бөліп бергізуге өкілеті жететін қызметкерлердің айналысып отырғанын көрсетеді. Әлемнің дамыған елдерінің қатарына  кіру мақсаттарына жету үшін біз күшімізді біріктіруіміз қажет, соның ішінде сыбайлас жемқорлыққа қарсы күресте бірігуіміз қажет. «Тура биде туған жоқ, Туған биде иман жоқ»,- деп қара қылды қақ жарып турасын айтып әділдікке жүгінген қаймана халықтың ұрпағы бүгінгідей өз алдына ел болып, еңсесі биік елу мемлекеттің қатарына жетуді көздеп отырған шақта, сол адами қалып парасат биігінде көрінуге тиіспіз.

Сыбайлас жемқорлықты қалай жоюға болады?

Пара бермеу және алмау. Адал болу, әділ болу, мақсатты нәтижелерге жету үшін өз мүмкіншілігімен, еңбегімен жету. Адал еңбек адамды табысқа, бақытқа, қуанышқа жеткізеді. Адам еңбектің дәмін өзі тер төккенде ғана жақсы сезінді. Еңбектің пайдасы тәрбиелейді, жігерлендіреді, күш береді. Өмір сүруге үйретеді, үнемшіл болуға үйретеді.

Еңбекті сүйетін адам көп еңбектенеді. Ол өз еңбегінің арқасында ұрпағына, халқына мұра қалдырады. Еңбекқорлық адамды шыдамдылыққа, ұқыптылыққа, мақсат қоюға адамдармен дұрыс қарым-қатынас жасай білуге және шығармашылыққа жетелейді. Адам ең бастысы, еңбектенуге, яғни, адам бір іске күш қуатын ақыл-ойын жұмсауға ерінбеуі керек. Өйткені жалқаулық, еріншектік, адамның өзін және өмірін тоздырады. Ал,ерінбей еңбек етсең мақсатыңа арманыңа жетесің. Арманың орындалса өзіңді бақытты санайсың.Адам бойындағы ең бір жағымсыз қылық еріншектік, ондай адамның іске мойны жар бермейді. Осыған байланысты Абай атамыз 38-қара сөзінде «Күллі адам баласын қор қылатын үш нәрсе бар. Сонан қашпақ керек. Әуелі надандық, екінші еріншектік, үшінші залымдық деген екен».

Сенбе ешкімге тұрса да қанша мақтап.

Қор қылады қулығын ішке сақтап.

Өзіңе сен, өзіңді алып шығар,

Ақылың мен еңбегің екі жақтап- деген екен Абай атамыз.

Қаиртай Дамир

7 «Ә» сынып оқушысы