2018 жылдың 01 қыркүйегі мен 30 қарашасы аралығында Ғ.Мұстафин атындағы №83 жалпы білім беретін орта мектебінде Қазақстан Республикасындағы Тіл Заңының орындалуы аясында бірқатар шаралар ұйымдастырылып, жүзеге асырылды. Атап айтатын болсақ, үстіміздегі оқу жылы «5-қыркүйек – Қазақстан халықтарының Тілдері күні» атаулы мерекесінен бастау алды. Осы орайда бастауыш буында тақырыптық жиындар, орта және жоғары буында мерекелік атаулы ашық сынып сағаттары өтілді.
20-қыркүйек күні мектебімізде республикалық көлемде өткен «Жалпыхалықтық ашық диктант жазу күні» ұйымдастырылды. Аталған шараға 4-11 сынып оқушылары мен мектеп ұжымы педагогтары тартылды.
Осындай жұмыс түрі – Жалпыхалықтық диктант күні қараша айының 14-і күні де өткізілді. Алғашқы диктант қазақ тілінде жазылған болса, екінші диктант жазу жұмысы латын әліпбиіне негізделіп, латынша жазылды. Бұл диктантқа мектебіміздегі қазақ тілді әріптестеріміз қатысты. Диктант қорытындысы бастау алып жатқан бұл шараның болашақта көп қиындық тудырмайтындығын көрсетті. Диктантқа қатысқан мұғалімдердің 82%-ы оң нәтижеге қол жеткізген.
Қазан айының 26-сы күні «Өрлеу» БА ҰО ПҚБАИ тыңдаушыларына арналған көшпелі тәжірибелік сабақтар (КТС) аясында қазақ тілі мен әдебиеті пәні мұғалімдері Абдрасилова Айжан мен Малгабылова Макен Мажитовна тәжірибе тарату мақсатында өздерінің озық әдістемелерімен бөлісті. Семинарға қатысушылардың назарына ұсынылған шеберлік сыныптары «Өрлеу» БА ҰО ПҚБАИ аға оқытушысы Ғ.Ғ.Смағұлованың тарапынан жоғары бағаға ие болды. Қараша айының 10-ы күні «Өрлеу» БА ҰО ПҚБАИ тарапынан «Өлкетану сабағын жоспарлау және ұйымдастыру ерекшеліктері» тақырыбында облыстық семинар ұйымдастырылды. Семинарға қатысушылар: облысымыздың әр қалаларынан, аудандарынан, ауылдық жерлердің мектептерінен келген тарих, география, қазақ тілі мен әдебиеті, музыка мұғалімдері болды. Өлкетану курсының оқытушысы, тренері Рая Мәжитқызы Сәттібаева бастаған топ тыңдаушылары мектебіміздің екінші қабатынан орын тепкен Ғабиден Мұстафин залын және екінші қабатта орналасқан Тәуелсіздік залын тамашалады. Таныстыруды қазақ, орыс, ағылшын тілдерінде жүргізген мектебіміздің оқушылары келген қонақтарды үш тілді жетік меңгерулерімен тәнті етті. Семинар барысында мектебіміздегі тарих пәні мұғалімі Аманов Әнуар Серикович пен қазақ тілі мен әдебиеті мұғалімі Кокина Акзер Зарыкбековна өлкетану пәнін оқытудың элементтерін негізгі пәндермен кіріктіре оқытуға енгізу мәселесі төңірегінде шеберлік сабақтарын көрсетті. Семинар соңында курс тыңдаушылары ұсынылған сабақтар бойынша өз ойларын ортаға салып, алған тамаша әсерлерімен бөлісті. Қос семинар қорытындысы бойынша тәжірибесімен бөліскен мектеп мұғалімдері «Өрлеу» БА ҰО АҚ филиалы Қарағанды облысы бойынша ПҚ БАИ алғыс хаттарымен марапатталды.
Қазіргі таңда аса өзекті болып отырған мәселелердің бірі – латын әліпбиіне көшу. Осы орайда мектебіміздегі оқу қазақ тілінде жүретін 5Ә сыныбы оқушыларымен бұл жұмыс жақсы жолға қойылған. Үстіміздегі жылдың қыркүйек айынан бастап осы сыныпта «Латын әліпбиіне көшу» факультативі жүргізілуде. Қосымша сабақтар барысында оқушылар латын әліпбиімен танысып, оқу-жазу дағдыларын меңгеруде. Қазақ тілі мен әдебиеті пәні мұғалімі Ищанова Калима Бексеитовна 11Б сынып оқушыларымен «Латын әліпбиіне көшу – заман талабы» тақырыбында сынып сағатын және 11АБВ сынып оқушыларын біріктіре отырып пікірталас ұйымдастырды. Өтілген шаралар жоғары сынып оқушылары арасында қызығушылық тудырды.
Мектеп педагогикалық ұжымы арасында өзге ұлт өкілдеріне мемлекеттік тілді оқытып-үйретуге байланысты «Ықылас» үйірмесінің жұмысы дұрыс жолға қойылған. Топ жетекшілері жоғары санатты қазақ тілі мен әдебиеті пәні мұғалімдері Гайнуллина Мадина Асылхановна мен Малгабылова Макен Мажитовна. Топтардың құрамында 16-17 мұғалімнен қамтылған. Үйірме сабақтары сенбі күндері сағат 11.05-те өтеді. Алдағы уақытта үштілділік мәселесіне қатысты ұйымдастыру шараларын қолға алу қажеттігі туындап отыр. Орыс, ағылшын тілі мұғалімдерімен бірлесе отырып дөңгелек үстел, пікірталас, коучингтер, шеберлік сабақтары және т.б. шаралар өткізу 2018-2019 оқу жылының ІІ жартыжылдығына жоспарға енгізілді.
