2017 жылдың 17 қарашасында Қарағанды қаласы «№23 ЖББОМ» КММ «Латын қарпі-дамудың жаңа сатысы» тақырыбында форум өтті. Ісшараның мақсаты –латын әліпбиіне көшуде мемлекеттік тілдің мәртебесін көтеріп, болашағына қолдау көрсету.

      Іс-шараға академик Е.А.Бөкетов атындағы ҚарМУ ф.ғ.д. Қалиев Бектұрсын Аманқұлұлы, «Өрлеу» БАҰО АҚ аға оқытушысы,ф.ғ.д. СмағұловаҒазиза Ғабдоллақызы, Мұхтар Әуезов атындағы орталықтандырылған №29 кітапхана филиалының меңгерушісі Мусина Жанар Жоланқызы және мектеп мұғалімдері мен оқушылар қатысты.

     Форум жұмысы «Латын қарпі-дамудың жаңа сатысы»тақырыбындағы шараның мақсат, міндеті жайлы мектеп директорының сөзімен басталды және мектеп қонағы ҚарМУ ф.ғ.доценті Қалиев Б.А. өз сөзінде қазақ тілінің латын қарпіне көшуіндегі басымшылықтарын атап өтті.

     Форумның практикалық бөлігінде педагогикалық ұжым ұсынылған жаңа әліпбидің нұсқасымен таныстыру, латын әліпбиіне көшуде мемлекеттік тілдің мәртебесін көтеріп, болашағына қолдау көрсету мақсатында сынып сағаттары, «Латын қарпі-дамудың жаңа сатысы» (жақтайды, даттайды) тақырыбында тарих пәнінің мұғалімдері Басибекова Э.А., Нашарбек Ж.А. дебат,  қазақ тілі мен әдебиеті пәнінің мұғалімдері Мухсинова А.М., Есекеева И.М. «Латын қарпі – дамудың жоғары сатысы», «Латын әліпбиі - болашақтың бағдары» тақырыбында дөңгелек үстел ұйымдастырылды. Аталған тақырыптар бойынша мектеп қонақтары, педагогикалық ұжым, оқушылар өз пікірлерін ортаға салды.Сонымен қатар, форум қатысушылары қазақ тілінің тарихы мен латын әліпбиіне көшудің қажеттілігі туралы қойылған сұрақтарға жауап берді. Форумды қорытындылай келе, латын әліпбиінің өміршеңдігі туралы қоғамдық пікір қалыптастырылды.