10.10.2017 күні  №23 жалпы білім беретін орта  мектепте бастауыш сынып мұгалімдерінің қалалық семинары өтті.

   Тақырыбы:«Қазіргі заман талабына сай мектептердегі      критериалды бағалаудың жаңа технологиясы»

Мақсаты: бастауыш сыныпта  білім берудің жаңартылған мазмұнын тәжірибеге енгізу мәселелері бойынша педагогтардың кәсіби құзыреттіліктерін жетілдіру.

        Коучинг тақырыбы: «Қалыптастырушы бағалаудың маңыздылығы» (бағалау түрлерін көрсету) Бірлестік жетекшісі Калдыбаева Б.И. Жаңартылған оқу бағдарламаларының ерекшеліктеріне тоқтала отырып,қалыптастырушы бағалау-мұғалімдерді,  оқушыларды  және  педагогикалық үдерістің  басқа  да  қатысушыларын  оқуды  жетілдіру  үшін  қажет  ақпаратпен  қамтамасыз  ететін  оқудың  ағымдағы  бағалануы екендігіне,  қалыптастырушы  бағалау  сыныптағы  күнделікті  жұмыс  барысында  жүзеге  асырылып,  оқушының  ағымдағы  оқу  үлгерімінің  көрсеткіші  болып  табылатындығына, оқушы  мен  мұғалім  арасында  кері  байланысты  қамтамасыз  етіп,  оқу  үдерісіне  уақтылы  өзгеріс  енгізіп  отыруға  мүмкіндік  беретіндігіне тоқталды.

          Осы коучингте былтырғы оқу жылында бірінші сыныпта сабақ өткізген Бакирова И.Т.,  Мухашева А.К.және  1 сынып мұғалімі Азанбаева Ж.Мұстаздарды 3 топқа бөліп  қалыптастырушы  бағалаудың түрлерін көрсетті. «Бағдаршам түстері арқылы бағалауды», «бас бармақ тәсілі», «түсіндім, түсінбедім,сұрағым бар» смайликтер арқылы бағалау түрлері көрсетілді.