Қазақ поэзиясының шынары, асқақ үнді, дауылпаз ақын Қасым Аманжоловтың мол мұрасын оқушылар арасында насихаттау  мақсатында мектебімізде  қазақ тілі және әдебиеті пәні мұғалімдерінің ұйымдастыруымен «Сен неткен бақытты едің, келер ұрпақ...» тақырыбында Қасым оқулары өтті. «Аманжол Рақымжанның Қасымымын, Мен қалған бір атаның ғасырымын...» атты  Қасым шығармаларын жатқа оқу  номинациясы бойынша 38 үміткер қатысты. 10 «Ғ» сынып оқушысы Амантай Айсұлу І орын, 11 «Ә» сынып оқушысы Максим Сабина, Бекенова Әлия  ІІ орын алса, жүлделі ІІІ орынды Акимова Дильназ, Елемес Арайлым қанжығаларына байлады.  Қасымның «Орамал» атты өлеңін орыс тілінде нақышына келтіре шебер орындағаны үшін 9 «Ә» сынып оқушысы Аукешова Ботакөз «Көрерменнің көзайымы» номинациясын иеленді.  «Дүниеге келер әлі талай Қасым…» номинациясы бойынша  7 «Ә» сынып оқушысы Ғабиболла Расул  І орынды иеленді.Шараның өтілуіне ұстаздар қауымы, ақпараттандыру орталығы, кітапханашылар тегіс бір кісідей ат салысты.