2017 жылдың 13 қаңтарында біздің мектепте робототехника бойынша мектеп оқушыларының ІІ қалалық байқауы өтті.

Байқаудың мақсаты - оқушылар арасында ғылыми-техникалық шығармашылық пен инженерлік мамандықтарды насихаттау болып табылады.

Біздің байқауымыз еліміз үшін маңызды жылда өтетіні қуантады. Себебі осы жыл ерекше мәні  бар күндерге толы. Биыл  Астанада «EXPO-2017» халықаралық көрме өткізілуде. Мұндай көлемдегі халықаралық көрмелер Орта Азия аумағы мен ТМД мемлекеттерінде  өткізілмегендіктен   Қазақстан үшін бұл айырықша ісшара болмақ.  

Бүгінгі байқау – ғылыми-техникалық шығармашылық саласында оқушыларға өз білімдері және оның нәтижелерін ұсынуға мімкіндік беретін үлкен бастау.

 Сайысқа қаланың 18 білім ұйымынан 51 команда қатысты. Қатысушылар саны былтырғы жылмен салыстырғанда 3 есе артқанын атап өту қажет.