КЭУ «Ашық есік күні»

10 желтоқсан  күні мектебіміздің қазақ бөліміндегі 11 «Ә» сынып оқушылары үшін Қарағанды экономика университетінің «Бухгалтерлік есеп және аудит» кафедрасының  Ашық есік күні өткізілді. Шара аясында болашақ талапкерлерге кафедра оқытушылары жасаған «Миф және шындық» атты қызықты презентация және   оқу ордасының жетістіктері туралы слайдтар көрсетілді.

 «Есеп және аудит» мамандығының 4 курс студенттері «Академиялық ұтқырлық» бағдарламасы аясындағы жетістіктері туралы әңгімеледі. Сонымен қатар оқушылармен «Кім бухгалтер мамандығын таңдайды?»  атты викториналық сұрақтар жүргізілді. Викторина барысында: экономикалық жұмбақтар, блиц-сұрақтар, экономикалық ребустар болды. Белсенділік танытқан оқушыларға тәтті сыйлықтар үлестірілді. Шара соңында оқушылар университеттің материалдық-техникалық базасымен танысып, өздерінің толғандырып жүрген сауалдарына жауап алды.

 11 «Ә» сынып жетекшісі

А.М.Мухсинова