Іс-әрекет кезеңдері

Тәрбиешінің

іс-әрекеті

Балалардың

іс-әрекеті

Мотивациялық-қозғаушылық

Балалар  бүгін бізге  көптеген қонақтар  келіпті. Қане бәріміз қонақтармен  жақсылап амандасып   алайық.

Шаттық  шеңбер
Жарқырап күнде ашылды
Айналаға гүлдер  шашылды 
Қайырлы күн біз нәзік қыздармыз
Қайырлы күн біз ер жүрек ұлдармыз.

Білгір қазақ баласы 
Сәлем сөздің анасы
Тобымызға  келіп отырған
Апайларға қарашы
Бәріне де ізетпен
Иіліп сәлем береміз
Сәлеметсіздерме апайлар!

Ұйымдастыру-іздестіру

Тәрбиеші:-Балалар Біздің планетамыз неге ұқсайды? (Тәрбиеші глобусты балаларға көрсетіп, оның неге ұқсайтынын сұрайды)

Тәрбиеші:-Балалар, қалай ойлайсыңдар, глобустағы көк түс нені білдіреді?

Тәрбиеші:-Ал сары түс ше?

Тәрбиеші:-Балалар, жер шарымызда қандай елдерді білесіңдер?

Тәрбиеші:-Балалар, ал біз тұратын мемлекет қалай аталады?

Тәрбиеші: -Дұрыс айтасыңдар, біз Қазақстан елінде тұрамыз!   Барлығымыз да Қазақстан картасына назар аударайық.  Мынау біздің байтақ жеріміз (Қазақстанның жерін картадан көрсетеді) Қазақстанның табиғаты алуан түрлі,  жері кең,  байтақ. Оны білу немесе түсіну үшін картаны пайдалану қажет.  Сонда қай жерде қала, әдемі ормандар, биік таулар,теңіз, көл, қазына байлықтары бар екендігін картадан білеміз. Осы картадан еліміздің басты қалаларын кім көрсетеді?

Тәрбиеші: Біз картаға қарап байтақ жерімізбен таныстық. Ендеше осы Отанымыз Қазақстан  туралы   тақпақтар білеміз бе?

Тәрбиеші:  Балалар, Отан туралы қандай мақал – мәтелдер білеміз бе?

Тәрбиеші:  Жарайсыңдар, балалар.   Ал біздің Отанымыздың бас қаласы қалай аталады? (Астана жайында қысқаша видеоролик көрсету)

Тәрбиеші: -Балалар, әр мемлекеттің өз президенті  және мақтан ететін рәміздері бар, ал біздің елбасымыз кім?

 Тәрбиеші: Ал, еліміздің мемлекттік рәміздерін кім айтады?

Тәрбиеші: -Дұрыс,  мемлекеттің рәміздері:  елтаңба, ту, әнұран  жатады.  Осы рәміздер туралы жеке түсінік берейін. Мынау Қазақстан Республикасының туы. Тудың түсі аспанның түсіне ұқсайды – көк, ортасында күн шуағы. Астында қыран құс  ұшып келе жатыр.  Қазақстанда тұратын барлық  халықтардың  өмірі күндей  жарқырап, қырандай  самғай берсін дегені. 

Қазақстан Республикасының  Мемлекеттік  елтаңбасы.  Елтаңбаның орталық элементі – шаңырақ.  Шаңырақ  бастауы – отбасы ошағын бейнелейді. Қанатты тұлпар – мәңгілік өмір, болашақ үміт артар жасұрпақтың арманы, самғау  биігі.  Елтаңба төбесінде бес бұрышты жұлдыз бар. Әр адамның өмірінде жол көрсетер өз жұлдызы болады. Мемлекеттің де осындай жұлдызы болуы керек. Елтаңбаның төменгі жағында «Қазақстан» деген жазу бар. 

Ал Қазақстан Республикасының  Мемлекеттік әнұранының сөзін жазғандар: Жұмекен Нәжімеденов, Нұрсұлтан Назарбаев,  әнін жазған  Шәмші Қалдаяқов.

Дидактикалық ойын: «Басқа әуендердің ішінен әнұранды тап»

Тәрбиеші: Жарайсыңдар, балалар. Ал енді балалар, біздің мемлекеттік тіліміз қай тіл болады? 

Сергіту сәті.

Көк жалау желбіре

Асқақтап аспанда,

Жас ұлан,  ел бірге

Сап түзе, жасқанба.

Дидактикалық ойын.

«Өз туынды тауып ал»

Тәрбиеші:   Біздің Қазақстанда көп ұлттар  тұрады. Олар қалай тұрады екен?

 Кітаппен жұмыс:

Қазақстан тақырыбына байланысты сурет салады.

-Дөңгелек шарға!

Мұхиттар, көлдер, өзендер.

-Мемлекеттер мен елдер!

 -Германия, Америка, Қытай, Ресей, Жапония, Түркия, т.б.

-Қазақстан!

Балалар жеке-жеке картадан көрсетіп қысқаша мағұлмат береді

Отан туралы тақпақ және мақал -мәтел айтады.

Астана қаласы

-Нұрсұлтан Әбішұлы Назарбаев.

Тәрбиеші сөзі: Елбасы жайында қысқаша мәлмет беру.

Ту, Елтаңба, Әнұран.

 Мұқият тыңдайды.

Басқа әуендердің ішінен мемлекеттік әнұранды тыңдап тауып алады.

мемлекеттік тіл – қазақ тілі

(екі қолмен екі жаққа сермеу )

(екі қолмен жоғары созылу)

 (бір орында сап түзеп жүру)

Басқа елдердің туының ішінен мемлекеттік рәміздің бірі туды тауып алады.

- Қазақ, орыс,татар,өзбек т.б.Олар бір- бірімен дос, тату тұрады.

 Сурет салады.

Рефлексивті – түзетушілік

Қорытынды:

-Балалар біз бүгінгі оқу іс-әрекетімізде Астана қаласының көрікті қандай жерлерімен таныстық?

-Мемлекеттік рәміздерге нелер жатады?

-Туымыздың түсі қандай?Туымызда ненің суреті бейнеленген? Елтаңбамызда не бейнеленген?Елтаңбаның пішіні неге ұқсайды?

-Балалар, оқу іс-әрекетімізді Қазақстан Республикасының әнұранымен аяқтаймыз.

Сұрақтар арқылы білімдерін бекітеді.