2015 жылдың 11 қазанында  мектеп оқушыларының отансүйгіштік, елінің тарихына, ата-баба дәстүріне қызығушылықтарын арттыру мақсатында қала мектептері арасында «Сыр сандық» атты интеллектуалды сайыс өткізілді. Сайысты қаламыздың «Бесінші телеарнасы»,талантты журналист Әсел Сәбитова ұйымдастырды.

Сайыстың ережесі бойынша қатысушылардың білімдері 1- кезеңде «Тыныс белгілеріне» байланысты, 2- кезеңде «Мәдениет, әдебиет және отандық фильмдер»  сұрақтарымен, 3-кезеңде «Мақал-мәтел» жарысы бойынша бағаланды. Сайысқа біздің №23 мектептің және № 57   лицейдің дарынды оқушыларынан құралған «Болашақ» және «Зияткерлер» командалары қатысты.  Мектепаралық зияткерлік сайыстың жалпы нәтижесі бойынша мектебіміздің «Болашақ» командасы жеңімпаз атанды.Осындай зияткерлік ойындар жас ұрпақтың шапшаң ойлауына, өз ойын жинақтап жеткізуге жетелейді және оқушылар арасында командалық рух қалыптасып, достық қарым-қатынастары нығая түседі.

«Болашақ» командасының мүшелері Байберліков Абылайханды, Толеуова Айзатты, Алиева Дананы, Каппанова Лилияны жеңіске жетулерімен құттықтаймыз.

                   Қазақ тілі және әдебиеті пәнінің мұғалімі

 Мухсинова А.М.