25 мамыр күні мектеп бітіруші түлектерімізге арналған «Қош бол, аяулы мектебім!» атты соңғы қоңырау салтанатты жиыны болып өтті. Салтанатты жиыннан соң 11 «Ғ» сынып оқушылары қазіргі кезде Ақтоғай ауданы Күләш Байсейітова атындағы мектепте ұстаздық дәріс беріп жүрген алғашқы ұстазы Мұсағұлова Жанат Шаярстанқызымен қауышып,бастауыштың  бір сабағын еске түсірді .Алғашқы ұстазға оқушылар мен ата-аналардың  ыстық ықыластарымен жылы лебіздер айтылды.                             

Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз ойы толып, бойы өсіп, алтын ұя мектебімен қоштасқалы отыр.Бүгінгі күн – алтын ұя мектебін бітіріп, қияға қанат қағатын жас түлектер үшін ең бір қымбат, ең бір қимас, ең бір ұмытылмас жүрек тебірентерлік сәт!Түлектерімізге Ұлттық біріңғай тестті табысты тапсыруларына тілектеспіз. Жаңа өмірлеріңізге ақ жол, сәт сапар тілейміз!