15 сәуір күні мектебіміздің қазақ бөліміндегі 9 сынып оқушылары үшін Қарағанды экономика және бизнес колледжінде Ашық есік күні өткізілді. Айтулы  колледжбен танысуға қырықтан астамоқушы қатысты.

Шара аясында болашақ талапкерлер қабылдау комиссиясы жұмысының ерекшеліктерімен, 2015 жылғы жоғары оқу орындарына және колледждерге оқуға қабылдаудың үлгі қағидаларындағы өзгерістермен танысты. Оқу ордасының білім, ғылым, инновация салаларындағы жетістіктері туралы бейнефильм көрсетілді.Болашақ талапкерлерге әртүрлі экономикалық, заңгер, технолог мамандықтары бойынша білім алуға болатыны туралы ақпарат беріліп,интерактивті тақтадан мамандықтар бойынша  «Талапкер - 2015» презентациясы көрсетілді.

Университет жанынан ашылған «Миллениум» кафесінде талапкерлергетамақ және жеңіл өнеркәсіп саласындағы мамандықтар мен сауда саласындағы мамандықтар түрлері туралы түсінік бере отырып, шеберлік сабағы өткізілді. Оқушылар технолог мамандармен бірлесе отырып жеңіл тамақ түрлерін жасады.

Шара соңында талапкерлер колледждің материалдық-техникалық базасымен танысып, өздерінің толғандырып жүрген сауалдарына жауап алды. Мектеп оқушыларына колледж қатты ұнады және олардың басым көпшілігі осында оқуға түсуге ықылас танытты.

Мухсинова А.М.

«№23 ЖББОМ»

9-сынып жетекшісі