Заманауи білім берудегі сабақтың құрылысы мен типтері

2015 жылдың 03 наурызында №23 орта мектебінде қазақ сыныптары мұғалімдеріне арналған «Заманауи білім берудегі сабақтың құрылысы мен типтері»  тақырыбында семинар болып өтті. Семинардың мақсаты: «Мұғалімдердің шығармашылық ізденістегі кәсіби құзыреттілігін қалыптастыру және оны өзінің іс-тәжірибесінде қолдана білу» болды. Семинар  мектептің әдістемелік кеңесінің жетекшісі  З.Т. Сатвалдинованың ұйымдастыруымен өткізілді.  Семинар барысында жоғары санатты бастауыш сынып мұғалімдері Б.И.Қалдыбаеваның ана тілі пәні бойынша, А.Қ.Мукашеваның математика пәнінен, Г.Қ.Лапиеваның дүниетану пәндері  бойынша оқытудың жаңа форматтағы әдістерін қолдана өткізген сабақтары көрсетілді. Ұжымның осы әдіспен  өткен ашық сабақтарынан презентациялар көрсетіліп, жетекші оны жан-жақты талдап өтті. Мұғалімдер бес топқа бөлінді. Әр топқа сабақтың  кезеңдеріне байланысты тапсырмалар берілді. Белгіленген уақыт бойынша әр топ спикерлері жұмыстарын  қорғады. Одан әрі сөз алған мұғалімдер оқытудың түрлі әдіс-тәсілдері жайлы өзара пікір алмасты.

Семинарға қатысушы ұстаздар оны ұйымдастырушы мектеп әкімшілігіне ризашылықтарын білдірді.

                                   Гуманитарлық пәндердің ӘБ жетекшісі

                                   А.Мухсинова