2014 жылдың 12 желтоқсаны күні Сәкен Сейфуллин атындағы қазақ драма театрында «Қарағанды қаласының мәдениет және тілдерді дамыту бөлімі» мемлекеттік мекемесі ұйымдастырған Ахмет Байтұрсынов поэзиясы білгірлерінің «Тіл білімінің атасы» атты дәстүрлі қалалық көркем оқу шеберлерінің байқауы өтті.  

Кейінгі ұрпаққа өшпестей із қалдырған қазақ халқының қаламға жүйрік, алты алашқа аты жайылған арыстай азаматтарының еңбектерін насихаттап, жастарды рухани байлыққа, адамгершілікке, имандылыққа тәрбиелеу, көркем  әдебиетті жандандыру мақсатында ұйымдастырылған байқауға 10 «Ә» сынып оқушылары Акимбаева Камила, Сулкенова Арайлым қатысып, А.Байтұрсыновтың шығармашылығы жайында публицистикалық стильде мақала жазу, Ахмет ағаға арнаған өз шығармашылықтарын оқу,  ақын  өлеңдерін мәнерлеп жатқа оқу тапсырмалары бойынша сынға түсті. Жас ерекшелігі 15-25 жас аралығын қамтыған байқау қорытындысы бойынша Акимбаева Камила «Қарағанды қаласының мәдениет және тілдерді дамыту бөлімі» ММ басшысының «Жас ұрпақты тіл мәдениетіне баулу, өскелең ұрпаққа Ахмет Байтұрсыновтың рухани мұра інжу-маржандарын, қазақ тілі білімінің негізін қалаушы ретіндегі ерен еңбегін насихаттау мақсатында өткізілген «Ахмет Байтұрсынов  - тіл білімінің атасы» атты қалалық байқауға белсене қатысқаны үшін Алғыс хатымен, Сулкенова Арайлым «Көрермендер көзайымы» номинациясымен дипломант атанды.

Камила мен Аяулымға келешекте толғай табыстар тілейміз.