Халық «Тазша баланың кырық өтірігі» жөніндегі ертегіні де ұрпақтан-ұрпаққа қастерлей жеткізіп келеді. Бұл өтірік өлеңнің қазақ фольклорындағы көне де, дәстүрлі жанр екендігін көрсетеді.

        Желтоқсан айының 9-жұлдызында облыстық Тілдер басқармасының ұйымдастыруымен “Тазша бала” байқауы өтті. Қаламыздағы Сәкен Сейфуллин театры сайысқа қатысушы кішкентай Тазша балалардыжылы көзқараспен, кең құшағын жая қарсы алды. Қаламыздың 23 мектебінен барған мектеп оқушылары сайысқа түсті. Тазша бала оқуларынан бір ерекшелігі кішкентай 5 сынып оқушыларының жаңа құрамы, тілдерінен бал тамады. Жас өрендер қырық өтірік айтудан, тапқырлық пен шешендік өнерін көрсетуден сайысқа түсті. «Өтірікшілер» сайысы төрт кезеңнен тұрды. «Айтпаймын, қыз берсең де, өтірікті» кезеңінде оқушылар сөзіне бір ауыз шындық қоспай, өзін таныстыру қажет болса, «Әттең мен тазша болмағанда...»өтірік өлеңнің жалғасын өздері шығарған өлең жолдарымен шебер жалғастыру керек болды.«Тазшаның өнерлігі, тапқырлығы» кезеңінде  балалар өздерінің өнерлерін көрермендерге паш етті.  Тапқырлығы мен шешендігін көрсетіп, өтіріктің майын тамызған өрендер сайыс соңында марапатталып жүлделі орындарға ие болды. Бірінші орындымектебіміздің 5 «а» сынып оқушысы Сүлейменова Аяулым қанжығасына байласа, 5 «ә» сынып оқушылары Абылкасымова Айгерім мен Ғабиболла «Расул«Көрерменнің көзайымы» номинациясын иеленіп, Жұмабеков Айбар«Шебер орындаушы» номинациясы бойынша марапатталып, бағалы сыйлықтарға ие болды.

       Осындай көптеген сайыстарға қатысып, оқушыларды дайындауда шығармашылық табыстарға кенеліп жүрген мектебіміздің қазақ тілі мен әдебиеті пәндерінің ұстаздарына көп-көп рақмет айтып, мықты денсаулық тілейміз!