«Мектеп тәрбиесінен өтпеген бала – суарылмай тұрған гүл сияқты, барлық әсем түсінен айырылып қалады»-демекші, мектебіміздің 0 «е» сыныбының бүлдіршіндеріне «1-желтоқсан – ҚР Тұңғыш Президент күніне» орай ұйымдастырылған, «Елбасының бір күні» атты видео назарларына ұсынылды.

«Ел ертеңі жастар»-дегендей, бұл видеоны көрсетудегі мақсатымыз, жас ұрпаққа халқымызды әлемге танытып жүрген, елімізге еңсе тіктетіп, мемлекетімізді мығымдап берген Елбасымыздың ерекше тұлға екенін таныту, Елін сүйген, елі сүйген Елбасынан үлгі алуға тәрбиелеу.

Сонымен қатар, мектебімізде 5-10-сыныптар арасында «Елін сүйген, елі сүйген Елбасы» атты тақырыпта  Елбасымызға арналған қабырға газеттерінің сайысы өтті. Сайысқа белсенді атсалысып қатысқан әр сынып оқушыларының газеттері бір-біріне мүлде ұқсамайды. Әр газеттің мағынасы терең, ойы ерекше.