08.10.2014 жылы Ж.К.Бектұров атындағы облыстық жасөспірімдер кітапханасында «Бір ел – бір кітап» акциясы аясында Сайын Мұратбековтың «Жусан иісі» шығармасы бойынша Өскемен қаласындағы Шығыс Қазақстан облыстық балалар және жасөспірімдер кітапханасының оқырмандарымен оn-linе конференция өтті. Конференцияға мектебіміздің 10 «Ә» сынып оқушылары қатысып, қазақтың көрнекті жазушысы С.Мұратбековтың «Жусан иісі» повесі бойынша өз ойларын ортаға салып, замандастарымен ой бөлісті. Конференция барысында ұйымдастырылған сөзжарыс, сұрақ-жауап кезеңі оқушылардың көңілінен шығып, көркем шығарма оқуға деген құлшыныстарын арттыра түсті.
