Қазан айының басы мерекемен басталды, «1-қазан Қарттар күні». Осыған орай мектебімізде  жалпы мектепішілік линейка, 1-11 сыныптар аралығында сынып сағаттары өтті. Әр сынып оқушылары «Қарттары бар ел-бақытты ел», «Қарттарын ардақтай білген  елдің рухы үстем,шаңырағы биік» деген тақырыптарда көрмелер ұйымдастырып, қабырға газеттерін шығарды.

«Жас Ұлан» Республикалық қоғамдық бірлестігінің жоғарғы сынып бөлімі Ұлы Отан соғысының ардагерлері мен тыл еңбеккерлерін  мерекелік концертке шақырып, сыйлықтарын ұсынып, Қарттарымыздың алғыстарын алды. Сонымен қатар 5-6-7-сынып оқушылары Вишнякова Матрена Ермолаевна, Тыченко Анна Андреевна, Рыбалко Екатерина Ивановна, Сакенова Камила Кашаубаевна, Ершов Леонид Федерович, Качура Георгий Васильевич, Павленко Ольга Прохоровна қарттарымыздың үйлеріне барып, қал-жағдайларын сұрап, дәрі-дәрмек, азық-түлікпен көмек көрсетіп, ол кісілермен сұхбаттасып қайтты. Қарттарымыз оқушыларымызға риза болып, алғыстарын айтып, баталарын берді.