Адами асыл қасиеттер мен ізгіліктерді, білім негіздері мен бүкіл құндылықтарды ұрпақ зердесіне сіңіріп, оны шын болаттай шыңдап шығарар басты тұлға – ұстаз екені ақиқат. Бастаушысы болмаған шәкірт алдына қойған үлкен арманын орындай алмайды. Адамзат баласы мектептегі ұстаздардан алған білімінің арқасында биікке жетеді, ұстаздарының есімін әрдайым мақтанышпен айтып жүреді.

Ұстазға деген сый-құрмет балғын бала жүрегінде мәңгіге қалыптасады. «Мұғалімдер күні» мерекесіне орай  жас бүлдіршіндердің өз қолдарымен әзірлеген қолөнер бұйымдары мен жоғары сынып оқушыларының ардақты ұстаздарына арнап шығарған мерекелік газеттері осының айғағы болмақ.