Ескендір Зұлқарнайын: «Даңқ пен абыройға кенелуімде мен бір адамға қарыздармын, ол – ұстазым Аристотель» демекші, әрбір адам өзін өмірдің қилы-қилы кедірі мен жазығы көп жолында ащысы мен тұщысын, қызығы мен өкінішін, ағы мен қарасын ұғындырып жіберетін ұлағатты  ұстазына бас иері хақ.  Осындай игі дәстүр біздің мектебімізде де жылдан жылға өз жалғасын табуда.

2014 жылдың 3 қазанында мектеп оқушылары ұстаздар қауымын төл мерекелерімен құттықтап, бойына ұлағат пен ұлылықты, тапқырлық пен жылылықты жиып алған ұстаздарына арнап,  өздерінің мерекелік концертін ұсынды. Мерекелік  кеште ән мен күй шырқалып, түрлі ойындар ойнатылды. Әр оқушының жүрегіне жол таба білген бала мінезді ұстаздардың күнделікті өмірінде болып тұратын түрлі қызыққа толы сәттерінен көрсетілген әзілге толы көріністер де мұғалімдер қауымының көңілінен шықты.