Оқушылардың сыртқы келбетіне және бірыңғай мектеп формасына қойылатын талаптар Оқушылардың сыртқы келбеті қоғамда қабылданған іскерлік үлгіде болуы тиіс: ұлдар үшін — классикалық қысқа шаш үлгісі; қыздар үшін — жиналған ұзын шаш. Мектепте ата-аналар комитетінің шешімімен қабылданған үлгідегі бірыңғай мектеп формасы енгізілген. Қыз балалар үшін — қаракөк түсті пиджак, жилет, юбка, шалбар, классикалық жейде, түймелері бар немесе сыдырмалы тоқылған күрте/кардиган, поло жейде немесе тенниска. Қысқы уақытта: трикотаж жилет, сарафан, водолазка. Қыздарға арналған шалбарлар еркін тігілген және ұзындығы бойынша тобықты жауып тұрады. Ұл балалар үшін — қаракөк түсті костюм-шалбар, пиджак, жилет, шалбар, мерекелік жейде (ақ түсті), күнделікті жейде бір түсті, түймелері бар немесе сыдырмалы тоқылған күрте/кардиган, поло жейде немесе тенниска. Қысқы мезгілде: трикотаж жилет, водолазка. Ұлдарға арналған шалбарлар еркін тігілген және ұзындығы бойынша тобықты жауып тұрады. Ұлдар мен қыздар үшін спорт формасы: спорт костюмі, спорттық аяқ киім (кроссовки, кеды).