Ақылды қария – ағып жатқан дария.Қарт кісіні құт-береке деп танысақ-ол ұрпақ көрегендігі. Ұрпағы құрметтеген ата-ана әр кезде де бақытты. Зымыраған сағат тілінің шексіз тықылдап соғуына мән бермеген біз уақыттың қалай жылдам өтіп кеткенін сезбей қалыппыз. Қазанның алғашқы мейрамы қарттар күні де келіп жетті. Бұл күні қарияларға, зейнеткерлерге сый құрмет көрсетіледі. Қазақтар төріңнен қарт кетпесін деп тілеген. Қазіргі уақытта қарияларға көңіл аударып жан-жақты қолдаулар жасалынып жатыр. Осыған орай мектебіміздің 7 «ә» сынып ұжымы сынып жетекшісі Айгүл Мухсиновнаның басшылығымен өздеріне бөлінген Степной 3 мөлтек ауданында тұратын Ильина Клавдия Ивановнаның үйінде болып, қайырымдылық акция негізінде гүл шоқтары мен азын  аулақ сыйлықтарын алып  мерекемен құттықтап қайтты. Оқушылар  Клавдия әжейге ұзақ ғұмыр, мықты денсаулық  тілеп жүректерін жарып шыққан ниеттерімен ризашылық  білдірді. Қарт әже де оқушыларға алғыс айтып, әрбір мереке күндері асыға күтетіндігін айтты. 

Мектебіміздің 6 «ә» сынып ұжымы да сынып жетекшілері Ташенова Зауреш Айкишевнаның  ұйымдастыруымен ардагер қария Сагындыков Сәнеке қарияның үйінде болып гүл шоқтарын, аздаған сыйлықтарын беріп құттықтап келді. Сәнеке қария жас жеткіншектерді құшақ жая қарсы алып, оқушыларға  парасаттылық, ізеттілік, кішіпейілділік танытқаны үшін алғысын білдірді.

 «Бабаларым, рахмет сендерге!»,- деп Мұқағали Мақатаев атамыз айтқандай  міне, балалар, біз өзіміздің ата-әжелеріміз алдында қарыздармыз. Ол қарызымызды тек жақсы тәрбие арқылы, адамгершілігі мол, мейірімді болу арқылы ғана, оларды көрген жерде құрметтеп сыйлау арқылы ғана қайтара аламыз.