2018 жылдың  26 желтоқсанында №23 жалпы білім беретін орта мектепте Қарағанды қаласы білім бөлімінің қолдауымен қазақ тілінің дамуына өзіндік үлес қосқан ғалым, профессор, Қазақстан Республикасының Мемлекеттік сыйлығының иегері Әсет Болғанбаевтың 90 жылдығына арналған «Тілтанудағы ірі тұлға»  атты аймақтық ғылыми-практикалық конференция өтті. Конференция аясында Әсет Болғанбаев атындағы «№313 қазақ тілі мен әдебиеті» кабинеті салтанатты түрде ашылды. Осыған орай «Тілтанудағы ірі тұлға» атты мақалалар жинағы басылып шықты. Жинақта үздік жазылған мақалалары үшін ұстаздар қауымы Қарағанды қаласы білім бөлімінің дипломы, алғыс хаты, сертификаттарымен марапатталды.

Конференцияға ғалымның қарындасы Бигүл Болғанбаева, ғалымның немересі, журналист Ернат Қашқынов,  БАҰО «ӨРЛЕУ» АҚ Қарағанды облысы бойынша ПҚБАИ директорының оқу-әдістемелік жұмыстар жөніндегі орынбасары, филология ғылымдарының кандидаты Жетписбаева Мейрамгуль Асылбековна, «Тұлғаны тәрбиелеу және әлеуметтендіру» кафедрасының аға оқытушысы Смағұлова Ғазиза Ғабдоллақызы,аға оқытушы  Айткенова Мөлдір Болатовна, аға оқытушы Сулейменов Мұратбек Балтинович, академик Е.А.Бөкетов  атындағы ҚарМУ-нің профессоры, филология ғылымының докторы  Әділова Алма Советовна, филология ғылымдарының докторы, профессор  Мажитаева Шара Мажитаевна, филология ғылымының кандидаты, доцент  Казанбаева Айнагүл Зікіровна, танымал ақын Серік Ақсұңқарұлы, «Орталық Қазақстан» газетінің кадр, қоғамдық ұйымдармен байланыс және жарнама бөлімінің басшысы Төлеуов Ерғазы Қадашевич қалалық білім бөлімінің әдіскері Жаркеева Гүлназ Бекетовна қатысты.