Ұлтына, жұртына қызмет ету – білімнен емес, мінезден.

Тірі болсам, хан баласында қазақтың хақысы бар еді, қазаққа қызмет қылмай қоймаймын. 

Еуропа мәдениеттімін деп мақтанғанымен, мәдениеті өнерінде ғана, ал мінезі хайуандық сапарынан қайтқан жоқ. 

Адам баласы – нәпсінің құлы: маңдайы тасқа тимей тоқтамайды.

Заң адам пайдасына жазылады, адам заң үшін тумайды ғой. 

Жер десе дірілдемей болмайды: жер мәселесі – өмір сүру мәселесінің зоры.

Жұрт әділ болмай, жұрт ісі оңға баспайды.

Бостандыққа апаратын жалғыз жол – ұлттық ынтымақ қана. 

Көкіректе сайрап тұр, қолды заман байлап тұр. 

Әр замананың өз рәсімі, өз салты бар. Біздің замандағы салт: әркім құқына таласу, хұқына тартысу болады. Жылау салты артта қалды. 

Талас-тартыс жоқ болса - өмір абақтыға айналар еді.