2018 жылдың 21 қыркүйегінде ЖББОМ№23 орта мектепте тілдер мерекесінің Бұқар жырау Қалқаманұлының 350 жылдық мерей тойына орай «Толғауы тоқсан қызыл тіл» атты  қорытынды кеш өтті. Мектепішілік жоспарға сәйкес тілдер мерекесінің жоспары құрылып, бекітілді.  Қорытыды кештің шымылдығын  мектептің жас домбырашылар оркестірінің орындауындағы  «Әуен»  күйімен ашылды.  Кеш бір заманның дүлділдері атанған кеше ғана 350 жылдық мерей тойын тойлаған орта жүздің бас биі Қаздауысты  Қазыбек би  мен үш жүздің басын біріктірген, Абылай ханның  кеңесшісі болған, «Көмекей әулие» атанған Бұқар бабамыздың «Он бір тілек» өлеңімен  «Біз қазақ деген елміз» атты өлеңін  жатқа оқумен басталды. Кешіміздің құрметті қонақтары болып Бөкетов атындағы Қарағанды Мемлекеттік Университетінің  аға оқытушысы, Қарағанды қаласының ақындар мектебінің жетекшісі,  Бұқартанушы-  Жұмағұлов Айтбай Ботбайұлы мен Достық үйіндегі музейдің меңгерушісі, бабаның тікелей ұрпағы - Мугулсум Ғұбайдоллақызы  қатысты. Айтбай  Ботбайұлы  келешек ұрпаққа тәрбиелік мәні зор бабаның толғауларымен  өсиет сөздерін айтып өтті.  Өнер мектебінің бишілері тамаша іс –шараға, «Ерке наз», «Үкілі қыз» атты би өнерлерімен  өз үлестерін қосты.  8 сыныптың оқушысы Ғабиболла Расулда Бұқар бабамыздың желісімен жазылған,   өзінің жүрек жарды өлең шумақтарын көрермендерге тарту етті.  Мектептің кітапханашысы  Бұқар жырау бабамызға арнап көрме бұрышын жасады. Бабамыздың толғауларын жатқа оқыған, Қасым , Абай жыр мүшайларында жүлделі орын алып жүрген оқушылар бабамыздың шығармаларын оқуда шаң қаптырды. Шараға қатысқан барлық қатысушылар алғыс хаттармен, грамоталармен марапатталды.