22 желтоқсан күні мектеп оқушыларының ата-аналарымен және мектеп ұжымымен «Латын әліпбиіне көшу – әлемдік үдеріске жақындау» тақырыбында семинар - коучинг өтті. Семинардың ашылу салтанатында сөз алған мектеп директоры Смагулов Бекбай Азибекович өзінің баяндамасында қазақ тілін латын графикасына ауыстырудың маңыздылығын айтып өтті. Әрі қарай директордың оқу-тәрбие жөніндегі орынбасары Масалимова Гаухар Аскарбековна  Елбасымыз Н.Назарбаевтың «Болашаққа бағдар: рухани жаңғыру» мақаласында латынға көшу мәселесін жедел әрі түпкілікті қолға алу қажеттігін, қазақ тілін біртіндеп 2025 жылға дейін латын әліпбиіне көшіретіндігі туралы, сондай-ақ  балаларымыздың болашағы үшін осындай шешім қабылдай отырып, балаларымыздың ағылшын тілі мен интернет тілін жетік игеруіне, ең бастысы – қазақ тілін жаңғыртуға жағдай туғызу керектігі жайлы ауқымды баяндама жасады. Әрі қарай Елбасы Н.Назарбаевтың қазақ әліпбиін латын кириллицасына көшіру жайлы айтқан тұщымды пікірін бейнежазбадан қазақ және орыс тілінде тамашалады. Бастауыш сынып мұғалімдері Қошым А.М. мен Нұрбекова С.К. дайындауымен мектеп мұғалімдері арасында аталған тақырыпта коучинг өткізілді. Семинар соңында мектебіміздің оқушылары Отан, тіл туралы үш тілде (қазақ, орыс, ағылшын) жатқа мәнерлеп өлеңдер оқып, мектеп мұғалімдерінің орындауында «Туған жер» әнімен қорытындылады.