03 қазан күні мектеп ұжымымен «Латын әрпіне көшу – заман талабы» тақырыбында пікірталас өтті. Пікірталасқа 40 мұғалім қатысты. Топқа біріктірілген мұғалімдер топ мүшелерімен біріге отырып «Латын әліпбиінің қажеттілігі» тақырыбында флипчарт толтырып,  қорғап шықты. Келесі сөз кезегінде директордың ОТЖ жөніндегі орынбасары Масалимова Гаухар Аскарбековна  Елбасымыз Н.Назарбаевтың «Болашаққа бағдар: рухани жаңғыру» мақаласында латынға көшу мәселесін жедел әрі түпкілікті қолға алу қажеттігін, қазақ тілін біртіндеп 2025 жылға дейін латын әліпбиіне көшіретіндігі туралы, сондай-ақ  балаларымыздың болашағы үшін осындай шешім қабылдай отырып, балаларымыздың ағылшын тілі мен интернет тілін жетік игеруіне, ең бастысы – қазақ тілін жаңғыртуға жағдай туғызу керектігі жайлы тілге тиек етті. Әрі қарай Елбасы Н.Назарбаевтың қазақ әліпбиін латын кириллицасына көшіру жайлы айтқан тұщымды пікірін бейнежазбадан тамашалады. Сөз соңында мұғалімдер берілген тақырып бойынша өз ойларын ортаға салып, латын әліпбиіне көшу – ұлтымыздың санасын бұғаудан босатып, түркі және жаһандық әлемімен ықпалдасуға, қазақ халқы ертеден қолданған әліпбиімізге қайта оралып, ұлттық санамыздың қайта жаңғыруына жол ашатынын нық басып айтты.