№65 жалпы білім беретін орта мектебінде ақпанның үшінші жұлдызында ақпараттық насихаттау тобы  мемлекет басшысы Н.Ә.Назарбаевтың 31 қаңтарда жария болған  «Қазақстанның үшінші жаңғыруы: жаһандық бәсекеге қабілеттілік» атты кезекті жолдауын насихаттау және түсіндіру жұмыстары бойынша мектеп басшылары мен мұғалімдер ұжымы  қатысқан жиын өткізді. Елбасымыздың  алға қойған мақсат-міндеттерімен ұжым танысып, жиын барысында жолдауда айтылған бірнеше басымдық  талданды. Сондай-ақ, жолдауда атап көрсетілгендей, білім беру және денсаулық сақтау жүйесіне енгізілетін өзгерістер мен әлеуметтік саладағы өзгерістерге кеңінен тоқталды. Білім беру жүйесінің рөлі өзгеруі тиіс және үш тілді оқуға кезең-кезеңімен көшу мәселесі  айтылды.

Өткізілген жиынды қорытындылай келе Елбасының Қазақстан халқына Жолдауындағы міндеттерді жүзеге асыруда үлкен жауапкершілікпенен қолдап, әрбір азаматтардың өз үлестерін қосуға шақырды. Алдағы уақытта Елбасының Жолдауы бойынша,мектебімізде ақпараттық насихаттау тобының мүшелері бастаған әр түрлі іс-шаралар өзінің жалғасын таппақ.