"Алмас қылышты" біз де көріп қайттық жəне көңіліміз толып қайтты. Фильм тамаша! Кино идеологияның басты құралы десек, бұл кино өз миссиясын орындады. Қазақтың бұл киносындағы костюмдерді көріп, көзіміз тойып қайтты. Астары мінген аттары қандай, шіркін! Ауыздықпен алысқан хас тұлпарлар. Актерларды таңдауда режиссер еш қателеспеген екен. Маған қатты ұнағаны Жəнібектің образы болды. 
Бізге осындай рухты көтеретін кино керек. Жастардың көздері жанып шықты. Киноның мəтіні мейлінше сауатты құрылған екен. Соғыс кезіндегі массовкадағы адамдардың аздығы кемшілік емес шығар. Ең бастысы бөлінген қаржы пайдалы киноға жұмсалыпты. Əйтпесе, шетелден актер алдырып, режиссер алдырып, бəленбай мың долларға түсірілген киноның жай-күйін білеміз ғой. Шығармашылық ұжымға жəне Ерлан Төлеутай ағамызға мың алғыс.