13 сәуір күні «Балалар кітап апталығының» үшінші күні 5 сыныптар арасында «Атамекен» интеллектуалды ойыны өтті. Ойынға 5 а сынып оқушыларынан құралған «Туған жер» тобы және 5 ә сынып оқушыларынан құралған «Отан» тобы қатысты. Ойын бірнеше кезеңге бөлініп, әр түрлі сұрақтар мен сайыстардан тұрды. Топ басшыларының сайысы «Егер мен Елбасы болсам...» тақырыбында оқушылар өз ойларын айтты. Тіл өнері кезеңінде әдебиет саласынан сұрақтар беріліп, оқушылар өз білімдерін көрсетті. Шығармашылық кезеңінде екі топтың өнерпаздары өнерлерін ортаға салды. Ойын барысындағы кезеңдердің ұпай сандарына байланысты «Отан» тобы жеңіске жетіп, мақтау қағазымен марапатталды. Әрбір ойынға қатысушы еліміздің білімді, тәрбиелі азамат екендерін көрсетті. Сонымен қатар, апталықтың үшінші күні мектеп кітапханасында «Қазақстанның балалар жазушылары» тақырыбында кітап көрмесі ұйымдастырылды. Көрмеде әр түрлі жанрдағы кітаптар қойылып, балалар қызығушылықпен тамашалады.
Авторство:
