Мақала « Ұстазы жақсының , ұстамы жақсы» Мектеп мәдениет сарайының ең қасиетті мекені. Көздері жәудіреген жастардай бүлдіршіндерді, таудай етіп тәрбиелеп, шығаратын да осы қасиетті мекен. Дәл осындай білім ордаларының бірі, қасиетті білім ошағына айналған, мектептің бірі № 65 жалпы орта мектебі. Осы білім ордасының директоры Кузнецова Клавдия Николаевна. Күндіз- түні бір тынбай мектептің жұмысына белсене араласып ұйымдастырушы. «Елдестірмек елшіден » демекші, ұстаздарды жұдырықтай бір ұйымға жиюды жетік меңгерген жан. Мектеп директорының орынбасары Алтыбаева Айман Какенқызы мектептің білімі, үлгеріміне жауапты жанын салатын ұстазымыз. Мектепте қазақ сыныптарының ашылғанына биылғы жылы 5- ші жыл. Осы 5 жылдың ішінде мектеп көптеген жетістіктерге жетті. Атап айтсақ, биылғы 2008/2009 оқу жылында мектеп мұғалімдері тест тапсырып , қалалық деңгейде өте жақсы дәреже көрсетті. Мектепте сыныптан тыс уақытта зияткерлік ойындары өткізілді. Ойын бастауыш сыныптар арасында өткізілді. Оқушылар 85-90 ұпай сандарымен жоғары дәреже көрсетті. Оқушылар бұл жетістіктерге әрине ұстаздарының арқасында жетті. «Ұстаздық қылған жалықпас, Үйретуден балаға» дегендей, ұстаздар оқушылармен тынбай жұмыс жүргізуде. «Ұстазы жақсының ұстамы жақсы» демекші оқушыларын ұстамды етіп тәрбиелеген ұстаздар: Кадина А. З, Кошым А. М, Төлегенова К. Т, Нурбекова С.К, Мейірманова С. А сияқты ұстаздарымызға айтар алғысымыз ұшан- теңіз. Сондай- ақ жаңа заман, талабына сай әр түрлі семинар сабақтарын ұйымдастырушы ұстазымыз Бектемирова Т. В . Интерактивті тақтамен жұмысты қолайлы , әрі нәтижелі пайдалана білдірді. Мектеп оқушыларға патриоттық сезімді сезіне білумен қатар, нағыз қоғам азаматы болуға мықты бағыт сілтеуде. Әрине, 5 жыл ішінде жеткен жетістіктердің ең бағалысы, ол мектепте мемлекеттік тілді жетік меңгергендігіміз. «Тоқсан ауыз сөздің тобықтай түйініне келер болсақ , келешекте мектеп ұжымының алар белестері алда» 2008/2009 оқу жылы Жазған; Шыныба йқызы Бақтыгүл