Қазақстан халықтары Ассамблеясының 20 жылдығына орай өткізілген мектепішілік шаралар туралы ақпарат

№65 жалпы білім беретін орта мектепте Қазақстан халықтары Ассамблеясының 20 жылдығына орай «Қазақстан-ортақ үйіміз» атты  республикалық акция салтанатты түрде ашылды.  

Әсіресе бастауыш сыныптарда «Достық фестивалы» тақырыбында қызықты іс-шара өтті, онда: оқушылар әртүрлі ұлттың киімдерін киіп, өлең оқып, ән шырқап, би биледі.

 9 сыныптар арасында тарих пәні мұғалімі Алиева Қ.К. «Қазақстан халқы Ассамблеясының ел дамуындағы рөлі» деген тақырыпта сыныптан тыс шара өткізді. Аталған шарада оқушылар Қазақстан халықтарының достастығы туралы, еліміздің өсіп өркендеуі туралы өз ойларын ортаға салды.

Тарих пәні мұғалімі 7 сынып оқушыларымен «Ассамблея народа Казахстана – уникальный институт дружбы и толерантности» деген тақырыпта сыныптан тыс шара өткізді. Онда оқушылар әр ұлттың салт-дәстүрлері жөнінде қызықты ақпараттар берді.

Мектептің барлық сыныптарында аталған акцияға байланысты сынып сағаттары өткізілді.

Бастауыш сынып мұғалімдері, бейнелеу өнері және технология пәнінің мұғалімдері «Қазақстан-ортақ үйіміз» атты оқушылардың шығармашылық көрмесін ұйымдастырды. Ол көрмені оқушылар, ата-аналар және мектеп ұжымы тамашалады.