Осы оқу жылының I жарты жылдығында мемлекеттік тілдің қолданылу аясын кеңейту мақсатында оқыту орыс тілінде жүретін мектептердің 2-11-сыныптары арасында қазақ тілі пәнінен «Дәптерді таза ұстайық!» атты сайыс өткізілді. Сайысқа аталған сыныптардан барлығы 98 оқушының дәптері тапсырылды.

           Дәптерлерді тексергенде дәптердің жалпы тазалығымен қоса тысының талапқа сай бір стильде толтырылуы, жазба жұмыстарының таза, сауатты, көркем жазылуы, жұмыстардың нормаға сай орындалуы, дәптердің мұғаліммен тексерілуі де қарастырылды. Осы талаптардың орындалуы бойынша жүлделі орындар тағайындалды. Байқауға тапсырылған дәптерлердің барлығының тысы талапқа сай бір стильде толтырылған, жұмыстардың барлығы нормаға сай, дәптерлер мұғалімдермен уақтылы тексерілген, бағалары қойылған, таза, сауатты жазылған. Жүлделі орындарға ие болған оқушылар грамоталармен марапатталды.