22 желтоқсан күні мемлекеттік тілдің оқытылуын жүзеге асыру барысында 5-7 сыныптардың өзге ұлт өкілдері оқушыларымен «Қазақ тілі – менің тілім» атты сайыс өткізілді. Сайысқа аталған сыныптардан 9 үміткер қатысты. Сайыс 3 кезеңнен тұрды.

I кезең. «Сәлем – сөздің атасы».Бұл кезеңде оқушылар өзін-өзі таныстырды.

II кезең. «Тапқыр болсаң, тауып көр». Бұл кезеңде қатысушылар бір-бірлеріне жұмбақ жасырды.

III кезең. «Өлең - сөздің патшасы, сөз сарасы». Қатысқан үміткерлер қазақтың ұлы ақыны Абай Құнанбаевтың бір шығармасын мәнерлеп, нақышына келтіріп, жатқа оқып шықты.

Сайысқа қатысқан үміткерлердің барлығы өздерінің жоғары дайындықпен келгендерін әр кезең барысында дәлелдеп отырды. Сөйтіп, «жүзден  жүйрік, мыңнан тұлпар» келген 6 «б» сынып оқушысы Кононов Александр I орынды, 7 «б» сынып оқушысы Сутягин Андрей II орынды, 5 «в» сынып оқушысы Сутягина Виолетта  III орынды иеленді. Сондай-ақ,  5 «д» сынып оқушысы Фесенко Алексей «Көрермен көзайымы», 5 «г» сынып оқушысы Хасиева Амина «Жұмбақ жасырудың шебері», 7 «г» сынып оқушысы Койло Юлия «Мәнерлеп оқудың хас шебері» номинацияларына ие болды. Сайыс өте жоғары деңгейде өтті.