Ұлыстың Ұлы күні мерекесіне орай №65 ЖББ ОМ КММ-сінде қазақ тілі мен қазақ әдебиеті пәні мұғалімі Масалимова Гаухар Аскарбековнаның ұйымдастыруымен өзге ұлт өкілдері мұғалімдері арасында «Қазақ тілі – болашағым!» атты байқау өтті. Байқаудың мақсаты – өзге ұлт өкілдері мұғалімдерінің мемлекеттік тілді еркін меңгеруіне ықпал ету.

Байқау 3 бөлімнен тұрды.

1-бөлім. Сәлемдесу.Үміткерлер 3 минут уақыт аралығында өздерін кестелі сөзбен өрнектеп таныстырулары қажет.

2-бөлім. Мақал-сөздің мәйегі. Бұл бөлімде үміткерлеріміз кез-келген тақырыпта кезекпен мақал-мәтел айтудан жарысады. Тоқтап қалған үміткер бұл бөлімнен шектетіледі. Мақал-мәтелдер қайталанбаулары керек.

3-бөлім. Өнерлі өрге жүзер. Мұнда сайыскерлер өз өнерлерін ортаға салады. (өлең немесе шығармадан үзіндіні нақышына келтіре жатқа оқиды, әуелетіп ән салады, мың бұралып билейді, актерлік талантын да көрсетеді)

Армысыздар, байқаудың қонақтары,
Халқымның ашық болсын атар таңы.
«Қазақ тілі - болашағым!» атты байқауда,
Беделін көтерейік тілдің тағы.

           Тіл – халықтың тұтастай кескін келбеті, болмысы. Қазақ тілі – мемлекеттік тіл, қазақ тілі –еліміздің келешегі, қазақ тілі – менің тілім, қазақ тілі – осы отырған баршамыздың тіліміз.

Байқауға 7 мұғалім қатысты. Олар:

1. Орыс тілі мен әдебиеті мұғалімі – Приходько Оксана Владимировна

2. Мектеп психологы – Галиева Олеся Юрьевна

3. Математика пәні мұғалімі – Аужанова Гузаль Васыйловна

4. Бастауыш сынып мұғалімі – Улаева Евгения Александровна

5. Биология пәні мұғалімі – Попова Юлия Сергеевна

6. Бастауыш сынып мұғалімі – Шубенок Надежда Владимировна

7. Өзін-өзі тану пәні мұғалімі – Нетяева Наталья Александровна

          Байқауға мұғалімдер өте үлкен дайындықпен келгендерін әр бөлім сайын дәлелдеп отырды. Байқаудың қорытындысын шығару әділқазылар алқасына да оңай тиген жоқ. Дегенмен «жүйріктен жүйрік озар жарысқанда» - демекші бұл байқауда бас жүлдені орыс тілі мен әдебиеті пәні мұғалімі Приходько Оксана Владимировна қанжығасына байлады.

          Мемлекеттік тілді насихаттап қана қоймай, оның беделін одан әрі көтеріп, мектеп ұжымының мемлекеттік тілде еркін сөйлеуіне ықпал ететін бұл байқау әр жыл сайын жалғасын таппақшы.