«Алаш мұрасы – ұлт рухының негізі» атты танымдық шара 13 қараша күні «12 ай – 12 кітап» және «Балалар кітапханасы» жобалары аясында кітапханамызда 19 қазан мен 19 қараша аралығында «Кітапхана, сауаттылық және жасанды интеллект» тақырыбында айлық шара ұйымдастырылды. Осы айлық аясында Алаш қозғалысының көрнекті жетекшісі, мемлекет және қоғам қайраткері, ұлт зиялысы Әлихан Бөкейханның туғанына 160 жыл толуына орай «Алаш мұрасы – ұлт рухының негізі» атты танымдық шара өткізілді. Шара барысында арнайы кітап көрмесі ұйымдастырылып, оқырмандарға Әлихан Бөкейханның өмір жолы мен қоғамдық-саяси қызметі, Алаш қозғалысындағы тарихи орны туралы кеңінен ақпарат берілді. Сонымен қатар оның ұлт азаттығы жолындағы күресі мен ел болашағы үшін атқарған еңбегінің маңыздылығы таныстырылды. Шараның мақсаты: оқырмандарға Әлихан Бөкейханның өнегелі өмір жолы мен ұлт азаттығы жолындағы қажырлы еңбегін таныту, жас ұрпақтың бойында отансүйгіштік сезімін қалыптастыру, ұлттық тарихты құрметтеуге және тарихи мұраны қадірлеуге тәрбиелеу.