ҮШ ШЫҒАРМАШЫЛЫҚ ТОП – БІР МАҚСАТ!

Бүгін мектеп директоры Гаухар Аскарбековна «Зияткерлік модернизация» жобасы аясында құрылған «Жас ұйымдастырушылар», «Медиа жас ұстаз» және «Digital ұстаз» шығармашылық топтарының жұмысын жандандыруға бағытталған семинар өткізді.

Семинардың негізгі мақсаты – жас педагогтердің шығармашылық және ұйымдастырушылық қабілеттерін дамыту, мектепішілік іс-шаралардың сапасын арттыру, медиасауаттылықты қалыптастыру және білім беру үдерісіне заманауи цифрлық технологиялар мен жасанды интеллект құралдарын тиімді енгізу.

Кездесу барысында әр шығармашылық топтың негізгі міндеттері мен жұмыс бағыттары айқындалып, алдағы кезеңге арналған нақты тапсырмалар берілді.

Практикалық бөлімде топ мүшелері өз бағыттары бойынша жаңа идеялар ұсынып, алғашқы жобаларын әзірледі. Сонымен қатар үш топтың өзара байланыста жұмыс істеуінің маңыздылығы атап өтілді.

«Жас ұйымдастырушылар» мектепішілік іс-шаралардың жаңа форматтарын әзірлеуге, «Медиа жас ұстаз» мектептің жетістіктері мен жаңалықтарын ақпараттық тұрғыда насихаттауға, ал «Digital ұстаз» цифрлық технологиялар мен жасанды интеллект мүмкіндіктерін педагогикалық тәжірибеге енгізуге бағытталған жұмыстарды жүзеге асырады.

Семинар барысында басты назар қағаз жүзіндегі жоспарға емес, нақты іске, тың идеяларға және нәтижелі командалық жұмысқа аударылды.

Біздің ұстанымымыз: «Бір мұғалім – бір идея – бір нәтиже!»

Алдағы уақытта шығармашылық топтардың жұмысы жүйелі түрде жалғасып, олардың бастамалары мектептің дамуына, педагогтердің кәсіби өсуіне және білім беру сапасын арттыруға өз үлесін қосады деп сенеміз.

#ЗияткерлікМодернизация #ЖасҰйымдастырушылар #МедиаЖасҰстаз #DigitalҰстаз #ШығармашылықТоп #МектепТәжірибесі #65мектеп