Мектебімізде 1–4 сынып оқушылары арасында «Қазақстан Республикасы Қарулы Күштері балалар көзімен» атты шығармашылық конкурс ұйымдастырылды. Бұл іс-шара оқушылардың Отанға деген сүйіспеншілігін арттыруға, патриоттық сезімін қалыптастыруға және әскери қызметке құрметпен қарауға бағытталды. Конкурс барысында барлық бастауыш сынып оқушылары белсене қатысып, өздерінің қиялдары мен шығармашылық қабілеттерін сурет, қолөнер және түрлі жұмыстар арқылы көрсетті. Балалар Қазақстан Қарулы Күштерінің бейнесін ерекше ықыласпен бейнелеп, өз ойларын жарқын әрі мазмұнды түрде жеткізді. Іс-шара жоғары деңгейде өтіп, оқушылардың белсенділігі мен қызығушылығының жоғары екендігін көрсетті.