28 тамыз күні тарих және жаратылыстану пәндері бірлестігінің отырысы өткізілді. Отырыс барысында 2025–2026 оқу жылына арналған әдістемелік нұсқау хаты талқыланып, ондағы өзекті мәселелерге назар аударылды. Негізгі қаралған мәселелердің қатарында: жаңа оқу жылына қойылатын басты талаптар; білім сапасын арттыруға бағытталған әдістемелік ұсынымдар; Білім беру мазмұнына сәйкес ЖИ әдіс-тәсілдерді қолдану жолдары; оқу-тәрбие процесінде пәнаралық байланыстарды нығайту шаралары. Отырыс қорытындысында бірлестік мүшелеріне жаңа оқу жылына нақты бағыт-бағдар берілді және ұсынылған әдістемелік ұсынымдар оқу жоспарына енгізілетін болды.