2025 жылдың 30 сәуірінде «№65 жалпы білім беретін орта мектебі» КММ-де өткен қазақ тілі мен әдебиеті мұғалімдерінің «Инновациялық аймақтағы сабақ фестивалі» аясында Өмірсерік Манар Нұрланқызы мен Толендина Индира Бауржановна мазмұнды және әдістемелік тұрғыдан құнды ашық сабақтар берді. Сабақтар барысында мұғалімдер білім алушылардың танымдық белсенділігін арттыруға бағытталған инновациялық әдіс-тәсілдерді тиімді қолданды. Диалогтік оқыту, сыни ойлау мен зерттеу, цифрлық ресурстар мен онлайн платформалар, интеграцияланған және креативті тапсырмалар, топтық және жұптық жұмыс, «Жылдам жауап», «Аяқталмаған сөйлем», «Интеллект картасы» әдістерін атап өтсек, Wordwall, Quizzes платформаларын, «Миға шабуыл», «Ой шақыру» әдісі, «Сұрақ-жауап» әдістері тиімді қолданылды. Фестиваль аясында көрсетілген сабақтарда мұғалімдер жаңартылған білім мазмұнына сәйкес заманауи әдіс-тәсілдерді орынды пайдалана отырып, ұлттық құндылықтарға негізделген тапсырмалар арқылы оқушылардың оқу сауаттылығын, тілдік қарым-қатынасын және сыни ойлау қабілетін дамытуға бағытталған тиімді тәжірибелер ұсынды. Сабақтарда әртүрлі білім беру технологияларын қолдану -мұғалімдердің кәсіби шеберлігінің, Ізденімпаздығының көрінісі болды.