Жалпы білім беретін №65 орта мектебінде 14 желтоқсан күні қазақ тілі мен әдебиеті пәні мұғалімі Масалимова Гаухар Аскарбековнаның ұйымдастыруымен орыс тілді 5-7-сыныптардың оқушылары арасында мемлекеттік тілге арналған «Қазақ тілі –болашағым!» атты байқау өтті. Байқауға аталған сыныптардан  8 оқушы қатысты.

Байқау 3 бөлімнен тұрды.

1-бөлім. Сәлемдесу. Үміткерлер 3 минут уақыт аралығында өз-өздерін таныстырады.

2-бөлім. Мақал – сөздің мәйегі. Бұл бөлімде оқушылар кез-келген тақырыпта мақал-мәтел айтудан жарысады.

3-бөлім. Өлең – сөздің патшасы. Мұнда сайыскерлер кез-келген ақын-жазушының шығармасын мәнерлеп жатқа оқыды.

Сайыскерлеріміздің барлығы бұл байқауға үлкен дайындықпен келгендерін көрсетті. Әр бөлім сайын мектебіміздің жезтаңдай әншілері мен мың бұралған бишілері өз өнерлерін ортаға салды. Байқау соңында жеңімпаздар анықталып, грамоталармен және де заттай сыйлықтармен марапатталды. Байқау жоғары дәрежеде өтті.