*Жас дарындарымызды жеңістерімен құттықтаймыз!* 2025 жылғы 16 сәуірде композитор Людмила Мельникованың авторлық музыкасын орындаушылардың VII Облыстық байқауы өтті. Біздің мектебіміздің оқушылары бұл байқауда өздерін жоғары деңгейде көрсетіп, жүлделі орындарға ие болды: Малгельдина Дильназ, 1 «г» сынып оқушысы, «Көркемсөз» номинациясы бойынша Людмила Мельникованың «Туған күнде» атты өлеңін мәнерлеп оқып, II орын иеленді. Адимова Медина, 1 «а» сынып оқушысы, «Вокал» номинациясында Людмила Мельникованың «Астана» әнін шебер орындап, I орын алды. Марат Адина, 4 «ә» сынып оқушысы, осы номинацияда Людмила Мельникованың «Анашым менің» әнін орындап, I орын жеңіп алды. Біз дарынды оқушыларымызбен мақтанамыз және оларға шығармашылық табыс тілейміз!