Бүгін мектебімізде "Цифрлық білім беру ресурстарын сабақ беру үрдісінде тиімді пайдалану" атты информатика мұғалімдерінің ұйымдастыруымен қалалық семинар өтті. Семинардың мақсаты: информатика сабағында цифрлық технологияларды тиімді пайдалану арқылы интерактивті әдістерді қолдану тәжірибесін дамыту, оқушылардың шығармашылық құзыреттілігін жетілдіру. Бұл іс шара мұғалімдердің білімдерін шыңдауға, тәжірибе алмасуға және болашаққа бағыт-бағдар жасауға үлкен мүмкіндік туғызды. Информатика пәні мұғалімдері Тлеубай Арайлым Қуатбекқызы және Болат Ербол ашық сабақ өткізді. Сабақтарда цифрлық платформалар тиімді пайдаланылды, ұлттық құндылыққа негізделген бағалау парақтары, түрлі әдіс- тәсілдер қолданылды. Информатика пәні мұғалімдері Сакенова Гульназия Байкеновна мен Аринова Индира Нуратаевна воркшоп өткізді. Бұл шарада түрлі цифрлық платформалар туралы мәліметтерді беріп қана қоймай, мұғалімдермен топтық жұмыс ұйымдастырды. Жұмыс барысында мұғалімдер сол цифрлық платформалармен тапсырмалар құрып, өз ойларын ортаға салды. Кері байланыста ашық сабақтар мен воркшопқа оң баға берілді. Семинар жоғарғы методикалық деңгейде өтті.