Тақырыбы: Жасөспірімдер арасында нашақорлықтың алдын-алу шаралары 2025 жылдың 5 ақпаны күні мектебімізде құқық қорғау органдары қызметкерлері мен медицина мамандарының қатысуымен маңызды кездесу өтті. Кездесуге Октябрь ауданының полиция бөлімі жанындағы ЖПҚ ЮПИ аға инспекторы, полиция майоры Жошина А.Ж., полиция капитаны Бокаева Г.С., полицияның аға лейтенанты Исакасов Ж.Е. және ТОО «Новая поклиника» мамандары Ибрагимова А.Ж. мен психолог Аликсахина С.А қатысты. Кездесу барысында жасөспірімдер арасында есірткінің зияны, оның денсаулыққа, психикаға және болашаққа тигізетін қауіпті салдары туралы айтылды. Полиция қызметкерлері есірткімен байланысты қылмыстық жауапкершілік пен оның заң алдындағы салдары туралы түсіндірсе, медицина мамандары нашақорлықтың денсаулыққа әкелетін зияны, оған қарсы күресу жолдары туралы баяндады. Кездесуде жасөспірімдер есірткінің зияны туралы сұрақтарын қойып, мамандардан нақты жауап алды. Бұл іс-шара әрбір жастың салауатты өмір салтын ұстануына, зиянды әдеттерден аулақ болуына үлкен үлес қосты.