Қазақ тілі - әлемдегі ең бай, ең сұлу тілдердің бірі. Ата-бабамыздан мұра болып келе жатқан баға жетпес асыл қазына. Демек, әр азамат туған тілін сақтау арқылы ұлттық рухты, ұлттық кодты жоғалтпауға жасалатын бірден бір қадам екенін ұмытпағанымыз абзал! Біз бұл құндылықтарды бірінен-бірін еш ажырата алмаймыз. Барлығы ұлттығымызды айғақтайтын тұтас дүниелер. Әрі ол құндылықтар айналып келгенде, тілден бастау алатыны бесенеден белгілі. Біле білсек, ана тілі - ар өлшемі. Олай болса, тілді шұбарлау – арды шұбарлау, жан дүниенің тұнығын лайлау болып табылады емес пе? Мұндай салғырттыққа Мұхтар Шаханов ағамыз «мәңгүрттік» деп сипаттама берген еді. Әрқайсымыз ана тілінде қарым-қатынас жасап, оның бүгінгіден де кең қанат жаюына ықпал етуіміз керек деп білем.Туған тілде сөйлеу зор бақыт емес пе? Жасаған әр қадам тілдің дамуына, оның өсіп-өркендеуіне бағытталуы шарт. Әр адамның жүрегінде ана тілге деген ыстық ықылас пен зор құрмет ұялайтын болса, тіл болашағы қашан да кемел болмақ. Тіліміз – татулығымыздың алтын діңгегі, халқымыздың ұлттық байлығы.Тәуелсіз мемлекетіміздің көркем де әсем тілі кең қанат жайып, бағындыратын белестеріміз көп болғай! Әзірлеген: қазақ әдебиеті пәні мұғалімі Абишева Л.Ж.