2024 жылдың 16 мамырында білім ордамызда "Оқушылардың жазғы демалысы мен бос уақытын ұйымдастыру" тақырыбында жалпы мектепішілік ата-аналар жиналысы өтті. Күн тәртібінде қарастырылған мәселелер: 1. 2023-2024 оқу жылының аяқталуы. Соңғы қоңырау мерекесі. 2. Аралық және қорытынды емтихандарды өткізу тәртібі. 3. Оқушылардың жазғы демалысын ұйымдастыру. 4. Мектеп жанындағы жазғы сауықтыру лагерін ұйымдастыру. 5. «Салют» қала сыртындағы лагерьге оқушыларды ұйымдастыру. 6. Жазғы демалыс кезіндегі қауіпсіздік ережелерін сақтау. 7. Мектеп ауласын көгалдандыру. 8. Жазғы демалысты тиімді өткізу туралы психологтың ұсыныстары. 9. Жаңа 2024-2025 оқу жылына арналған мектеп формасы. Жиналыс барысында Октябрь аудандық полиция қызметкері, лейтенант Исакасов Ж.Е. «Жазғы демалыс кезіндегі құқық бұзушылықтың алдын алу шаралары» жайлы түсіндірме жасады. Ата-аналарға балалардың қауіпсіздігін қамтамасыз ету, сақтық шараларын айта отырып, мәселелерді айқындап, және дұрыс тәрбие берудің маңызы зор екенін айтып өтті. Жиналыс сонында жазғы демалыс кезіндегі қауіпсіздік ережелерін сақтап, балалардың қауіпсіздігіне баса назар аудару керек екендігі айтылды.