«Дарын да, дана композитор»

         2023 жылдың 31 наурызында аға тәлімгер Каллиакпарова А. Т. мен кітапхана меңгерушісі Сабитова М. Ф. ұйымдастыруымен әйгілі күйші, композитор, домбырашы Нұрғиса Тілендиевтің туған күніне орай «Дарын да, дана композитор» атты дөңгелек үстел өтті. Шараға Жас Ұлан ұйымының мүшелері қатысты.

      Мақсаты: Қазақ музыкасының сайыпқыраны Нұрғиса Тілендиевтің өмірі мен шығармашылығы туралы мәлімет бере отырып, өнерін насихаттау.

      Дөңгелек үстел барысында Нұрғиса Тілендиевтің өмірбаяны жайлы деректі фильм көрсетілді. 6 «б» сыныбының оқушысы Уменов Мейіржан композитордың «Әлқиса» күйін орындады.

     Кітапхана меңгерушісі Сабитова Майра композитордың әндерінің шығу тарихы жайлы мәлеметтермен бөлісіп, оқушылар өздерін қызықтырған сұрақтарын қойды.