ЖББ №65 ОМ КММ Қазақстан халықтарының Тілдер күні мерекесін өткізгені туралы ақпарат

2013 жылы 20 қыркүйек күні ЖББ №65 орта мектебінде22 қыркүйек–Қазақстан халықтарының Тілдер күні мейрамына орай «Тіл – тірегіміз, соғып тұрған жүрегіміз» атты мерекелік іс-шара өтті. Бұл шараның басты мақсаты – мемлекеттік тілдің мәртебесін көтеру, қолдану аясын кеңейту, оқушыларды туған халқының тілін қастерлейтін саналы да, парасатты азамат етіп тәрбиелеу. Сонымен қоса елбасымыздың үш тұғырлы саясатын оқушылар арасында насихаттау, тілге деген сүйіспеншіліктерін арттыру.

Мерекенің өту барысында алдымен шараның жұмыс жоспары құрылды, мектептің 2 қабатында Қазақстан халықтарының Тілдер күні мерекесіне арналған тақырыптық стенд рәсімделді, жиын залы «Тіл – достықтың дәнекері», «Ұлт үшін тілінен қымбат ешнәрсе жоқ», «Язык – это окно в новый мир», «Человек, знающий два языка – два человека» атты қанатты сөздер жазылған плакаттармен безендірілді. Оны мектеп оқушылары  тамашалап, суретке түсірді.

Жиын залы мерекелік шараны көруге талпынған оқушылармен әп-сәтте толып кетті. Шара жүргізушілер Абишева Л.Ж. мен Приходько О.В. жиылған қалың жұрт алдына шығып, құттықтау сөзімен ашылды. Оқушылар «Қазақстан халықтарының Тілдер күні» мерекесі жайында бііршама мәліметтер алды және көп ұлтты мемлекетімізде әр ұлт өкілімен тату-тәтті өмір сүру қағидасын есте ұстау керектігін ұғынды. Оқушылар әр ұлт өкілін сомдап, сол тілде халықты айтулы мерекемен құттықтап, ыстық лебіздерін білдірді.

Сахнаға украин, өзбек, татар, қазақ халықтары шығып, өз елінің ұлттық билерімен жиналған жұртшылықты таң-тамаша қылды. 7 «в» сынып оқушылары орыстың аса дарынды жазушысы Н.В. Гогольдің «Ночь перед Рождеством» туындысынан сахналық қойылым көрсетті. Сондай-ақ, 7-сынып оқушылары қазақ халқының ұлы үш биі жөнінде тәрбиелік мәні зор тағылымды көрініс көрсетті.

 Көрермендер оқушыларға қолдау көрсетіп отырды.

5 «ә», 5 «б», 6 «в» оқушылары қазақ,орыс, ағылшын тілдерінде жазған ақындардың тіл туралы өлеңдерін мәнерлеп, нақышына келтіріп, ал орыс сынып оқушылары мемлекеттік тілде жыр шашуларын арнады.

9-сынып оқушысы Аринова Салтанат «Армансыз күнім болмайды» әнімен, Жарылғапова Күншуақ «Туған жер» әнімен көрермендерді тәнті етті.  Мектебіміздің биші қыздары да аталған мерекеден қалыс қалған жоқ. Атап айтар болсақ: 6 «б» сыныптың қыз балалары көңілді биін және 6-сынып оқушысы Мейірманова Томирис қазақ биін,  8-сынып оқушысы Ташим Динара мың бұралған әсем биін тарту етті.

11 «а» сынып оқушысы Мусина Ақерке ағылшын тілінде «Бьютифул» әнін шырқап, көрермендер қошеметіне бөленді.  

Мереке соңында қатысқан оқушылардың барлығы бір шаңырақ астына жиналып, тіл мәртебесіне деген ізгі тілектерін білдіріп, «Қазақ тілі» атты әнді орындады.

Мереке өте қызықты, тартымды өтті. Сондай-ақ ұйымдастырылған іс-шараның өскелең ұрпаққа берер тәрбиелік мәні зор деп есептеуге болады.