ЖББ №65 ОМ КММ Денсаулық фестивалін өткізгені туралы ақпарат

2013 жылы 7 қыркүйек күні ЖББ №65 орта мектебінде «Денсаулығым керемет – Жаттығуға көп рахмет!» ұранымен Денсаулық фестивалі өтті. Бұл шараның басты мақсаты – салауатты өмір салтын насихаттау, спорттың әр түріне  оқушылардың қызығушылықтарын ояту арқылы денсаулықтарын нығайту. Сонымен қоса оқушыларды әрдайым белсенді дене қимылын жүргізуге, спортпен айналысуға, дұрыс тамақтануға, зиянды әдеттерге қарсы тұра білуге шақыру.

Денсаулық фестивалінің өтілу барысында алдымен шараның жұмыс жоспары құрылды, мектептің 1-2 қабатында «Денсаулық – табыс кепілі» атты тақырыптық стендтер рәсімделді, мектеп кітапханашысы Носова С.Н. «Біз салауатты өмір салтын қолдаймыз!» атты кітап көрмесін ұйымдастырды. Ол көрмені мектептің 1200 оқушысы тамашалады.

Сурет пәнінің мұғалімі Сисабаева Э.Б. 5-6 сынып оқушылары арасында «Мен спортсмен боламын» атты сурет байқауын өткізді. Ерекше суреттерімен көзге түскен 6-сынып оқушылары – Попцова С., Югай А., Гордейко В., Белгибаева А. т.б. мақтау қағаздарымен марапатталды.

7 қыркүйек күні 1-ші және 2-ші ауысымда Денсаулық фестивалінің ашылу салтанаты болып өтті. Осы салтанатты саптық жиында оқушылар Денсаулық фестивалінің іс-шара жоспарымен танысты, Қазақстанның айтулы спортшылары жайында мәліметтер алды және оқушыларға денің сау болсын десең, дұрыс тамақтан, спортпен шұғылдан деген кеңестер берілді. Бұл жиынға 1320 оқушы қатысты.

 Дене шынықтыру мұғалімдері 1-11 сынып оқушылары арасында мектеп алаңында жаппай дене жаттығуларын өткізді. Оған 1320 оқушы белсене қатысты.

1-4 сыныптың сынып жетекшілері «Әкем, шешем және мен» атты көңілді мәре өткізді. Ол мәреге әр сыныптан бір отбасынан қатысты. Өзінің жылдамдығымен, тапқырлығымен Ибраевтар отбасы жеңіске жетті.

5-7 сынып оқушылары арасында дене шынықтыру мұғалімдері шағын футбол және пионербол ойындарын ұйымдастырды. Жүлдеге жеткен сыныптар марапатталды.

8-11 сынып оқушылары арасында қыз балалар баскетболдан, ал ұл балалар футболдан жарысқа қатысты. Жеңімпаз сыныптар сыйлықтарға иеленді. 

Қорыта айтқанда, бұл күні барлығы «Дені сау ұрпақ – жарқын болашақ» деген позитивті көңіл-күйде үйлеріне оралды. Денсаулық фестивалі оқушыларға салауатты өмір салтын сақтауға, жеке бас гигиенасын ұстануға, дұрыс тамақтануға, дене шынықтыру мен спортпен шұғылдануға үйретті.